Tarı

Atlıq

1. Egistiń eń aqırında egiletuǵın dánli daqıllardıń bir túri. Kimniń tarısı pisse, sonıń tawıǵı («Qq. x. n»). Shımshıqtan qorıqqan tarı ekpeydi («Qq. x. n.»).
2. Sók bolatuǵın dán. Jer awdarsa, taǵı bir zań shıǵarsa, bizden qalıp bir qap tarı isherseń (I. Yusupov). Soqır tawıqqa bári tarı («Qq. x. n»). Tam basına tarı jaydım, kepsin dep, men yarıma xat jazdım kelsin dep («Qq. x. s. j.»). ♦ Tarı góje – tarıdan pisirilgen tamaq, awqat, as.