Tárezi I

Atlıq

1. Bir nárseniń salmaǵın anıqlaytuǵın ólshewshi ásbap, qural. Xalıq tabısı tárezini bassın dep, Watan bayıp el abadanlassın dep, (I. Yusupov). Hayal erinsheklik penen ornınan turıp, eki qawındı tárezige tarttı (M. Nızanov).
2. Ólshem, kórsetkish. Jasasın adam ólsheytuǵın xalıqtıń qabaq tárezisi (I. Yusupov). Ullı Ózbekstan qırmanlarında, Abıray ólsheytuǵın tárezimbiseń? (I.Yusupov). Tárezige salıw-oylap kóriw, sınaw, salıstırıw. Olarǵa degen qatnasımdı tárezige saldım (Internet maǵlıwmatları). Tárezisi basım- abıraylı, mártebeli. Ádilliktiń tárezisi basım ba? (Internet maǵlıwmatları).