Sayraw
Qaraqalpaqsha (kaa)
[redaktorlaw]
Qaraqalpaqsha (kaa)Morfologiyalıq hám sintaksislik qásiyetleri
[redaktorlaw]feyil, say-raw
Leksikalıq mánileri
[redaktorlaw]1. Quslardıń jaǵımlı hawaz shıǵarıwı. • Búlbildiń tiykarǵı kásibi — sayraw, Onıń úninde bar sırlı qaytalaw, Qosıǵımdı bir ret men qaytalasam, — O, búlbil, ne ushın jurt kúler maǵan? (I. Yusupov). • Sayrawdan ózge qayǵısı joq (K. Kárimov). 2. awıs. Tınbay sóylew, bılshıldaw. • Kewlindegi tabılıp, búlbildey tili sayradı («Máspatsha»). • Sergey bir stakan vinonı simirip iship, azıraqtan keyin nemisler menen qalay urısqanın sayrap ketedi (M. Nızanov). 3. awıs. Sheberlep qosıq aytıw. • Qosıq aytıp quwanıp, shadlıq penen sayradıq, (J. Aymurzaev). 4. awıs. Is-hárekettiń, waqıyanıń baǵdarın biliw, túsiniw. • Házirshe kókiregim sayrap tur (M. Nızanov). • Kókiregim usılay sayrap, túrgelip kete jazladım (T. Qayıpbergenov).
Derekler
[redaktorlaw]- QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.