Saray

Qaraqalpaqsha (kaa)

Morfologiyalıq hám sintaksislik qásiyetleri

atlıq, sa-ray

Leksikalıq mánileri

1. Xan, ámir, patshalardıń turaqlı rezidenciyası bolıp xızmet etken úlken, saltanatlı, keń jaqtılı imarat. • Tórt túlik mal jıynap saldırǵan saray, Sonınday bar edi dáwletli bir bay (Omar). • Al, Sankt-Peterburgta patsha sarayınıń juldızları onı mensinip sóyley me, joq pa? (T. Qayıpberǵenov).
2. Jasaw yamasa sociallıq xızmetke arnalıp, zamanagóy arxitekturalıq úlgide salınǵan úlken imarat, kompleks. • Bala baqsha, mektep, klub sarayı, Boldı awılda mádeniyat orayı, Bilimlengen qız-jawannıń kórkindey, Jaynap ketti eldiń awıl shırayı (I. Yusupov). • Ullı Kiev, ullı eldiń orayı, Lıqqa toldı mádeniyat sarayı, Quwanıshtan tolqıp, demim tarayıp, Turǵanımdı aytsam, «kórmedim» derseń (I. Yusupov). • Kegeyliniń boyı - darqan dalalıq, Ne deǵen keń saray — koncert zalı bul, Hámme biletindi men satıp alıp, Tıńlayman, sayray ber sen bolıp qumbıl (I. Yusupov). Ishki saray, kewil saray — kewil, niyet. • Balanıń ishki sarayına álle qanday hásiret zárdesi túskendey boldı (K. Sultanov). • Biraq, kewil sarayı bayaǵısınsha (T. Qayıpbergenov).

Derekler

QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.