Saqıyna I
Qaraqalpaqsha (kaa)
[redaktorlaw]
Qaraqalpaqsha (kaa)Morfologiyalıq hám sintaksislik qásiyetleri
[redaktorlaw]atlıq, sa-qıy-na
Leksikalıq mánileri
[redaktorlaw]1. Barmaqqa kiyǵizilip qoyılatuǵın dóńgelek
zat, júzik. • Jasınıń eliwden ótkenine qaramastan, ele taqıyasına tumar tigip, barmaǵına saqıyna salıp qoyıptı (A. Bekimbetov). • Bul waqıtta Aytgúl gúmis bilezik penen gáwhar qaslı saqıynanı Nigarxannıń qolına kiygizip, qutlı bolsın aytıp atır edi (K. Sultanov).
2. Kesiwge arnalǵan qılıshtıń, pıshaqtıń hám t.b. sabınıń tıyıq tárepindegi dóńgelek zat. • Dástesi dándánnan, tıyıǵı almastay, saqıynası altınnan, qorǵasın saplı qanjarın qolǵa alıp dáwdiń janına barıp, saqalın uslap, qol-ayaǵın tańıp qarqıratıp shaladı («Qoblan»). • Úsh jigittiń úsh mártebe sorasqan amanlıǵına qızda oymaq qaslı saqıynaday jawdıraǵan súykimli kózlerin jigitlerdiń júzine úsh mártebe awdarıp taslap, úsh mártebe «shúkir!» dedi (K. Sultanov).
Derekler
[redaktorlaw]- QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.