Saǵınıw

Qaraqalpaqsha (kaa)

Morfologiyalıq hám sintaksislik qásiyetleri

feyil, sa-ǵı-nıw

Leksikalıq mánileri

Kórgisi keliw, aqsaw, kúsew, ıntıǵıw, qumartıw. • Men bilemen, usı kúnleri meni saǵınıp júr (Á. Shamuratov). • Awıl eldi saǵınıp, bazı aqshamlarda uyqılamay shıǵatuǵın ádet payda boldı (T. Qayıpbergenov). • Arǵı júzdegi sallanıp turǵan kók pishenlerge, ana bir shoq talǵa, jayılıp júrgen mallarǵa birim-birim zeynin awdarıp, jurtın saǵınıp kelgendey tábiyat kórinislerine ıntıǵıp tur (K.Sultanov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.