Saǵım

Qaraqalpaqsha (kaa)

Morfologiyalıq hám sintaksislik qásiyetleri

atlıq, sa-ǵım

Leksikalıq mánileri

1. Eles, kórinis. • Baǵanaǵı qol bolsa ele sol tuwrısında — kók jiyektegi saǵımday buldırap tur (M. Nızanov). • Ele de kózi shalmay turǵan buldır-buldır saǵımlar kóp (K. Sultanov). • Kór ingen bizge jawmısań, ya bir júrgen jolawshı ya bir saǵım tawmısań («Qoblan»). 2. Sáwle, jaqtı. • «Dala oylanbaydı» dese inanba, Oylanbasa nege saǵımlar aǵar? Áne, ústem oyday keshki aspanda, Bir búrkit sharıqlap qanatın qaǵar! (I. Yusupov). • Tań saǵımına aralasa úrkip ushqan bir topar quslar sekilli, erkeklerdiń qollarında malaqayları bılǵańladı, xayallardıń qollarında jawlıqları jelbiredi (T. Qayıpbergenov).

Derekler

1. QARAQALPAQ TILINIŃ TÚSINDIRME SÓZLIGI. Jeti tomlıq, Nókis, «Qaraqalpaqstan» baspası, 2023-jıl.